Broken Power Cord of Stark 12 Inches Floor Fan

Hello po mga ka-TAG, naka-encountered na ba kayo ng mga electronic devices o appliances pagkatapos mo ma-i-plug sa electrical outlet ay umaandar na siya ng maayos. Subalit bigla na lang mag-te-turn off matapos mong hilahin papunta sa iyo👍, o kaya kung minsan ang walang magawa na pusa na laging takbo na takbo😸, nahila niya ng bahagya ang power cord namamatay na😁, pero naka-plug naman. Ito ang karaniwang problema sa mga power cord napuputol sa loob ng insulated flat wire.

Suriin natin muna ang power cord sa pamamagitan ng digital tester na naka-set sa Ohm o resistance. Pwede naman analog tester kung meron ka.

Mas maganda ang test probe mo ay aligator clip, upang makita mo ng maayos ang resulta sa screen.

Kita naman kung babaluktutin nanawala na ang electrical current connection ng digital tester.

Subukan natin putulin ang power plug at balatan ang mga dalawang insulated stranded wire gamit ang wire stripper.

Subukan uli na i-test👀 ang mga dalawang wire sa digital tester para makasiguro na wala na iba pang bahagi na putol👍.

Ito na pinalitan ko na ng bagong non-polarized power plug, para makita ninyo ang pag-andar ng floor fan.

Ito ang aking video at inyong panoorin.

Wrong Thread of Shafting Installation of Matrix Desk Fan [MX-TF251]

Nakakita po kayo mga ka-Tag ng ganitong problema sa gear box niya? Pagka naka-turn on ang kanyang oscillator knob holder, aandar na ang kanyang oscillator rod makikita nasa ibaba ng gear box. 

Ngunit mapapansin ninyo na sandali lang siya pagkatapos umandar kaalinsabay nito may maririnig kang tunog na lumalagitik sa loob ng gear box.

Tignan ninyo mabuti ang nasa butas ng gear box, may dalawang enggranahe o gear na magkadikit ay ang white gear at ang thread ng baras o shaft. Subalit kung papa-andarin na ang desk fan, ang white gear sa loob ng gear box ay hindi maka-ikot ng maayos habang umiikot naman ang thread ng baras. Tila yata hindi magkasundo ang mga dalawang ito sa kanilang trabaho😅, bakit kaya😕?

Kailangan mo tanggaling ang mga apat na screw bolt ng motor housing niya upang matanggal ang rotor na may baras o shaft sa loob ng motor.

Suriin mabuti ang thread ng baras o shaft at ihambing sa iba pang baras na may parehong rotor kung mayroon kang reserbang ganito. Ngayon mapapansin ninyo na may pagkakaiba pala ang mga thread ng baras, may manipis at magaspang.

Tanggaling ang mga dalawang internal fans kasama na rin ang mga washer ng baras o shaft upang ilipat sa rough o magaspang na thread ng baras.

Pagkatapos mo mailipat ang mga iyon, ibalik mo muli ang baras o shaft sa loob ng motor. Oops! teka muna, unahin mo ipasok ang front shaft bago ang back shaft. Parang ganito lang yan kahit sa tao👍, kailangan unahin muna ang mga senior bago ang mga junior sa anumang uri ng tansaksiyon😅.

Ngayon subukan natin pa-andarin uli, kung magkasundo na ang mga dalawang enggranahe😅.

Talagang gusto niya ang magaspang na thread ng baras kaysa manipis na thread ng baras.

Yan ang magandang resulta pagka-ayaw niya pa-sway sway o umi-indayog ang electric fan kailangan palitan mo ang thread ng baras, kung minsan naman ang may problema ang gear box o oscillator rod.

Ito ang video ko at inyong panoorin.

Jammed Pulling Cord of Camel Wall Fan [WRF-1602C]

Itong Camel wall fan po mag ka-Tag ang kanyang pulling cord hindi mo mahila sapagkat parang may naka-locked sa loob mismo ng rotary speed control switch. 

Subalit kung pipihitin mo ang kanyang rotary knob may maririnig kang tunog na lumalagitik gayundin mararamdam mo ang kanyang pagsikdo o vibration sa iyong mga dalawang daliri. Talagang ayaw ni pulling cord na pahilahin siya, tila yata nagmamaktol sa loob ng rotary speed control switch.😄

Tignan natin muna at basahin ang kanyang mga dalawang label sa likod niya.

Sisimulan ko na ang pagtanggal ng mga tatlong screw ng kanyang back cover.

Susuriin mo muna ang kanyang kalagayan kung papaano siyang umaandar at ano ang dahilan kung bakit ayaw niyang pahila.

Tanggalin muna ang kanyang rotary knob bago ang rotary speed control switch sa loob.

Ngayon nakita natin na putol pala ang kanyang steel spring, na siyang humihila ng pataas pagkatapos mahila siya ng pababa. Ganyan ang kanyang trabaho taga-hila siya ng pataas ayaw niya pababa, parang yung kanta ng mga sexbomb dancers na spaghetti pataas, spaghetti pababa.😅

Ilagay natin uli ang dating steel spring niya, hinila ko ang magkabilang dulo para humaba siya ng sakto sa dati niya haba. Ngunit may kahirapan lang ang paglalagay ng steel spring niya dahil hindi naman ako bumili ng bago.

Pagkatapos sa pinagpilitan natin paglalagay ng dati niyang steel spring, ngayon nasasaksihan natin kung papaano siya umandar pagka siya hinihila ng pababa. 

Ibabalik natin uli sa dati niyang posisyon kung saan siyang nararapat sa pamamagitan ng dalawang screw bilang kanyang mga trangkahan.

Dumako tayo sa huling pagsubok ng kanyang pulling cord sa speed control switch kung aandar o hindi ang kanyang blade fan.

Ito ang video ko at inyong panoorin.

Failed Speed Control at Level 3 of Standard Floor Fan [STD-16]

 

Tignan po natin mga ka-TAG ang rotary speed control niya, kung nasa speed number 2 siya ay umaandar naman siya ng maayos. Subalit kung ipipihit siya sa speed number 3, yung blade fan niya ay hindi na siya iikot😲. Talagang may kahiwagahan ang kanyang problema kung bakit ayaw niyang umandar ang blade fan sa speed number 3😅.

Simulan natin tignan ang mga nasa loob ng rotary speed control box. Kailangan mo tanggalin muna ang mga dalawang screw sa likod ng casing niya. 

Itong kanyang rotary knob hindi mo matatanggal ng basta sa kamay mo lang. 

Ngayon nakita natin agad kung bakit walang connection ang speed number 3. Nagkaroon pala ng crack ang kanyang PCB o printed circuit board.

Tanggalin muna ang mga dalawang screw niya bilang trangkahan ng PCB. Dapat maliit din ang philip screw driver ang gagamitin mo dito dahil maliliit ang mga screw niya. Tignan natin ang dating position ng copper contact niya bago siya maputol sa PCB.

Kailangan mo gumawa ng dalawang butas na malilit sa pagitang ng dating crack ng PCB sa pamamagitan ng paggamit ng mini-drill gun.

Pagkatapos mo gumawa ng butas na maliit, gumamit ka ng alambreng maliit upang ipasok sa dalawang butas para magsisilbing dupil o brace sa naputol na copper contact na may kawad. Dapat dito higpitin ng maayos ang alambre gamit ang small longnose plier.

Kung sigurado ka na sa paghigpit ng alambre sa dalawang maliliit na butas, ibalik sa contact ang PCB sa kanyang pagka-trangka gamit ang mga maliliit na mga screw.

Subukan uli ipihit ang rotary knob kung natatamaan niya ang dating naputol na copper contact. 

Para maganda ang magiging resulta kung operational na ang speed number 3, gagamit ako ng digital tester na naka-set sa Ohm. Dito mo rin makikita kung alin ang mataas at mababa na resistance. Kasi ang speed number 1 ay nasa mataas na resistance value at ang speed number 3 ay nasa mababang resistance value.

Kailangan mo na rin takpan ang back cover sa pamamagitan ng paglalagay ng dalawang screw niya.

Subukan natin uli sa digital tester upang makita ninyo ng maayos ang mga pagkakaiba ng resistance ng mga tatlong speed level👍.

Eto na mga ka-TAG ang huling testing ng rotary speed control kung wala ng aberya sa dati niya pagka-sira.

Ito ang video ko at inyong panoorin.

Broken Switch of Electric Stand Fan

 

Hello mga ka-Tag, eto ang magiging resulta pagka nasira ang buong switch box. Marami ang mga dahilan kung bakit nababali ang neck holder ng switch box based on sa mga na-encountered ko, tulad sa natamaan ng pusa sa kanyang pagsungkab dahil sa nakita niyang ipis, butiki o daga sa kisame😅, o ayawan ng mag-asawa kaya nadamay pa ang stand fan😮 o kaya naman sa katagalan o katandaan ng stand fan ay unti-unti na siyang nagkakaroon ng mga cracks.👍

Nakikita ninyo tinanggal ko na ang dating sirang switch box at bumili na akong bagong switch box mula sa mga motor-rewinding shop.

Kailangan mo tanggalin ang mga tatlong kawad o wires naka-konekta sa speed control switch gayundin yung isa naka-closed end splice connector. Ngunit kailangan mo tandaan ang mga colored coded wires naka-konekta sa speed control switch bago ka mag-disconnect, una ang red wire ay para sa button number 3, pangalawa ang black wire ay para sa button number 2 at ang pangatlo ay ang white wire ay para sa button number 1.

Pagkatapos ihanda mo na rin ang leeg niya, yung elevation control spring ilagay mo sa kaliwang bahagi ng leeg niya. 

Ang hexnut ng elevation bolt niya ihanda mo na kung saan mo ilalagay sa kaliwa o sa kanan ng neck holder ng switch box. Ang tilting pin at spring niya ipasok mo sa kanan bahagi na may butas sa loob ng neck holder.

Ito na ang mahirap na parte ng leeg niya, dahil kailangan mo ang malakas na pwersa bago mo ilagay ang elevation bolt at hexnut niya.

After mo na na-i-reconnect ang mga wires sa kanilang designated connection, ilagay mo sa loob ng switch box ang speed control switch at ikabit mo na rin ang mga dalawang screw upang maiwasan ang paghagpos (lumuluwag) ng buong switch.

Dapat maayos ang mga kawad sa loob ng switch box upang maiwasan ang pagkaipit at short-circuit, bago mo uli ilagay ang back cover nito.

Ngayon muli natin subukan mga ka-tag ang bagong replacement ng switch box ng stand fan. Kung maayos ba ang mga pagka-reconnection ng mga wires gayundin ang mga nasa bahagi ng neck holder.

Ito video ko at inyong panoorin.